/233/ EXERCITATIO XXXIV
Alexandri, Themistii et Averrois nec non Cardani opinionem
adducit atque rationes.
Peripatetici Philosophi de divina providentia
quid senserint, ex uno Averroë
colligere abunde licet. Siquidem ille Dei
providentiam circa haec inferiora agnovit,
ut decem in locis suorum commentariorum
adnotavi. In prooemio Physicorum vult idem esse
primam formam, primum agens, primum finem,
quod repetit [in] 2. Physicorum, comm. 73, et [in] 12. Metaphysicorum,
comm. 8. In 2. De generatione, comm. 51, circa finem,
sic scribit: «Ponit enim Aristoteles formas agentes,
quamvis esse earum apud ipsum sit aliud ab esse
earum apud Platonem. Differt quidem a Platone in
modo essendi tantum et in modo actionis tantum,
non in esse earum simpliciter, neque in actione earum
simpliciter». Et in 12. Metaphysicorum, comm. 15.,
36. et 41, idem confirmat. In comm. 51. et 52.
eiusdem libri, apertissime docet Deo haec
inferiora curae esse.
Veruntamen lapsus est in errorem quia,
Alexandrum ac Themistium sectatus, censuit
Deum haec inferiora curare in universali
tantum, non in particulari. Ita habet [in] libro 12.
Metaphysicorum, comm. 37., et (in] libro De somno et vigilia.
Indice
|
Pagine introduttive |
|
EXERCITATIONES |